Во Велес и велешко искоренета болеста бруцелоза кај луѓето

Во Велес и велешко во текот на изминатата 2015 година според ЈЗУ Центар за јавно здравје биле регистрирани само тројца од кои една жена заболена од болеста бруцелоза, соопшти епидемиологот д-р Билјана Трајкова.

- Еден од случаите на заболени е рецидив што значи дека болеста ја имал пред десетина години и сега таа повторно се појавила, што за жал е случај кај оваа болест. Воедно со тоа што бројот на заболени е сведен на минимум, и може да заклучиме дека болеста во овој велешки регион е целосно искоренета, потенцира епидемиологот д-р Трајкова.

Таа појаснува дека ваквата поволна состојба се должи и на тоа што сточарите во велешкиот поширок регион целосно ја имаат вакцинирано стоката овци и кози, а со тоа е спречено ширењето на болеста.

Само до пред десетина години имавме и по 60, па, и повеќе заболени од бруцелоза, потсети д-р Трајкова.