Во тепачка на средношколци, еден ученик полесно повреден со нож
По расправија која подоцна прераснала во физичка пресметка помеѓу ученици во средното медицинско училиште во Гостивар, вчера попладне, еден ученик е полесно повреден.
За овој случај денеска се расправаше и на состанокот на претставници на полицијата и на педагошките служби на јавните средни училишта во Гостивар за спречување на насилството во училиштата.
Од СВР Тетово информираат дека вчера во 16 часот и 30 минути, Ф.Ј.(42 ) од гостиварска Симница во СВР Тетово пријавил дека околу 13 часот неговиот 17-годишен син, ученик во средно училиште во Гостивар, бил нападнат со остар предмет од малолетник од истото училиште. Ученикот претходно физички се пресметувал со други ученици во училишниот двор. Се преземаат мерки за расчистување на случајот.
На состанокот беше кажано дека ученикот имал исекотина на десната рака, а училишнита управа и локалната власт ќе помогнат во целосно расветлување на последниот настан, во кој според привчните сознанија учествувале повеќе ученици.
Ново на Сител
-
Дрво падна врз жена во Скопје | ВИДЕО
-
Полицаец го напуштил работното место па пукал во воздух
-
Мемов: ЗНАМ ги „отвора вратите“ за сите членови на СДСМ
-
Од силниот ветер падна дрво во близина на „Веро Џамбо“
-
По најавите за поројни дождови УХМР со апел за внимание во одредени региони и реони
-
МВР: Лажни се поканите до граѓани за наводна тековна истрага
-
Лажна закана за бомба на аеродромот во Приштина
-
Топ Билд: Асфалтната база во Визбегово промовира индустриски еколошки напредок