Во Тајланд запленети наркотици вредни над 500 милиони долари

Тајландската полиција откри и уапси 15 членови на гангстерска група нарко дилери, кои со воз се обиделе да пренесат 226 килограми синтетички наркотици и осум килограми хероин.

Вреднста на запленетите наркотици, пред да се појават кај продавачите на мало на црниот пазар, би чинеле над 500 милиони долари.

Дрогата потекнува од т.н. „златен триаголник“, од каде низ светот се дистрибуираат најголемите количества наркотици.

Денеска, на прес-конференција полицијата ја покажа запленетата дрога. Сооштено е дека тоа е најголемо количество запленето во една акција во последните три години.

Уапсените се државјани на Малезија, а најголем дел се со кинеско етничко потекло. Дрогата и шверцерите се откриени во три воза кои пренесуваат стока и патници од Бангкок до Куала Лумпур.

Акцијата на тајландската полиција била координирана со антинаркотичките бригади од повеќе држави во регионот. Соработката на полициите од тие држави е зголемена по ланското предупредување од страна на Обединетите Нации дека либерализацијата на патувањето во рамките на АСЕАН крие и опасност за зголемување на можностите за транспорт на наркотици.

Во регионот се регистрирани над седум милиони нарко зависници.