Во Србија уапсени четворица шверцери на оружје за терористи во Европа
Српската полиција утрово уапси четири лица, кои се обиделе да прошверцуваат оружје и муниција во Унгарија.
Според информации на српската Безбедносна информативна агенција (БИА) оружјето било наменето за исламистички терористички групи во Европа.
Меѓу уапсените е и 31-годишен српски државјанин, кој минатата година беше приведен во Шведска под обвинение дека била главната врска за преродажба на оружје од Босна и Херцеговина на членовите на движењето Муслиманско братство во Шведска.
Меѓу уапсените еден е државјанин на БиХ, еден на Ирак и еден на Сирија. Тие имале фалсификувани бугарски пасоши.
Во автомобилот со кој патувале уапсените се пронајдени пет пиштоли, оптички нишан, шаржер за автоматска пушка со 30 куршуми, два шаржера за карабин, муниција за пиштол со различен калибар и две автоматски пушки.
Движењето Муслиманско братство се смета за најголем купувач на оружје на црниот пазар, а во терористичките напади во Европа често се користи оружје произведено на територијата на поранешна Југославија.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени