Генерален штрајк во Грција
Најголемите грчките синдикати на вработените во државниот сектор (АДЕДИ) и на вработените во приватниот сектор (ГСЕЕ), утрово започнаа 24-часовен генерален штрајк и бараат колективни договори и реални зголемувања на платите за справување со поскапувањата, а паралелно во низа градови ќе се одржат и протести, јави дописничката на МИА од Атина.
Штрајкот ќе ја парализира земјата со оглед на тоа што учествуваат и голем број синдикати, здруженија асоцијации и сл.
Грција денеска е без бродски и железнички сообраќај, штрајкуваат и контролорите на летање со што повеќето летови од и кон земјата се откажани, а проблеми ќе има и во јавниот превоз во Атина.
Во штрајкот учествуваат и синдикатите на вработените во државните болници, како и студентски здруженија и организации.
Во Солун, во Атина и во други грчки градови за претпладнево закажани се протести.
Генералниот штрајк го поддржаа и новинарите, организирани од нивните здруженија и како што е пракса во изминатите години, нивниот 24-часовен прекин со работата беше ден претходно, односно вчера, за денеска да можат да ги покријат протестите и демонстрациите и да информираат за нив.
Главното барање на медиумските работници е потпишување на колективни договори во сите медиумски сектори, односно телевизии, весници, списанија, интернет, радија.
Грција вчера беше без вести и информативни емисии, а новинарите, штрајкот го завршија во пет часот утрово.
Ново на Сител
-
Честитка од министерот за јавна администрација по повод Меѓународниот ден на трудот
-
Денот на трудот во Грција ќе се одбележи со традиционални протести
-
ВМРО - ДПМНЕ со првомајска честитка: Работниците се темелот за иднината на Македонија
-
Приведени возачи во Куманово и Кумановско под дејство на алкохол
-
Американскиот Сенат одби да ги поништи царините на Трамп
-
Камала Харис ги повикува Американците да му се спротивстават на Трамп
-
Ѓорческа против Тихонова во 2. коло на ИТФ турнир во Грузија
-
Мисајловски: Грижата за правата на вработените во Армијата и Министерството не е само обврска, туку и вредност што нѐ води кон силна и модерна одбрана