Мисајловски: Грижата за правата на вработените во Армијата и Министерството не е само обврска, туку и вредност што нѐ води кон силна и модерна одбрана

По повод Меѓународниот ден на трудот, 1 Мај, министерот за одбрана Владо Мисајловски упатува честитка до сите вработени во Министерството за одбрана и сите воени и цивилни лица во Армијата. 

- Честит 1 Мај — Меѓународниот ден на трудот! Упатувам искрени честитки до сите вработени во Министерството за одбрана и сите припадници на Армијата, воени и цивилни лица. Вашиот труд, професионализам и посветеност кон службата во Армијата и работата во Министерството се темел за успехот и развојот на нашата институција. Вашата одговорност, иницијатива и секојдневен ангажман се препознаваат и високо се ценат, истакнува Мисајловски во честитката.

Тој потенцира дека како министер и човек останува посветен на унапредување на условите за работа, почитување и вреднување на правата и можностите за професионален развој.

-Грижата за правата на вработените во Армијата и Министерството не е само обврска, туку и вредност што нѐ води кон силна и модерна одбрана. Со отворен дијалог и заедничка посветеност со Синдикатите, продолжуваме да ја унапредуваме положбата на секој еден вработен во одбраната и припадник на македонската Армија, истакнува министерот Мисајловски во честитката.