Во Србија потврдени 227 новозаразени со Ковид-19

Во изминатово деноноќие во Србија се регистрирани 227 новозаразени од Ковид-19, а две лица починаа, јавија српските медиуми.

 

Претходните денови, постепено се зголемуваше бројката на новозаразени кај нашиот северен сосед. Неколку дена со ред имаа по над 90 заболени, за последните два дена бројката да се искачи над 100, а денеска се регистрирани 227.

 

Во последните 24 часа тестирани се 5.933 лица, а вкупно 380.808 од почетокот на епидемијата.

 

Во Србија, во моментот има активни 1.187 случаи, а вкупно се регистрирани 13.792.

 

На респиратори се 32 пациенти, а стапката на смртност изнесува 1,94 отсто.