Во Србија од 1 јуни дозволен собир до 1000 луѓе и гледачи на спортските натпревари

Во Србија од 1 јуни на спортски настани на отворено ќе биде дозволено присуство на публика на растојание од еден метар, како и собирање до 1.000 луѓе на отворено, решено е денеска на седница на Кризниот штаб.

Исто така, од 1 јуни ќе започне на барање на граѓаните ЕЛИСА тестирање за откривање на антитела.

Епидемиологот Дарија Кисиќ Тепавчевиќ изјави дека на седницата на Кризниот штаб со која претседавала премиерката Ана Брнабиќ, едногласно било решено да се релаксираат мерките во согласност со моменталната епидемиолошка состојба.