Во Србија нови 54 заразени, за два дена масовно тестирање
Во Србија во изминатите 24 часа, од 94 новотестирани позитивни на коронавирусот се 54 лица, со што вкупниот број на заразени се зголеми на 301 лице, изјави на денешната прес конференција министерот за здравство Златибор Лончар.
Како што јави дописникот на МИА од Белград, во вкупната бројка не се вброени 13 лица кои се излечени од оваа заразна болест, кажа Лончар, кој додаде дека 27 лица се веднаш сместени во болниците во Србија или вкупно во болниците се лечат 152 лица, од кои 21 лице е ставено на респиратор и се наоѓа во тешка здравствена состојба.
-Од нив, осум лица се наоѓаат на лекување на Инфективната болница во Белград, пет се во Ниш, а по четири лица се во Нови Сад и Крагуевац, изјави Лончар.
Според Лончар, со одлука на струката и кинеските експерти, Србија во наредните два-три дена ќе премине на новиот метод на борбата против коронавирусот, за масовно тестирање, што ќе биде овозможено во сите Домови за здравство во Србија.
-Во Србија досега се евидентирани три смртни случаи, од кои два случаи имале тегоби предизвикани од заразата, додека еден пациент немал такви тегоби. Најголем број на заразени во Србија во просек имаат над 50 години, кажа епидемиологот Предраг Кон, кој додаде дека Србија оди во насока сите заразени да бидат изолирани.
Вучиќ најави и масовно тестирање на населението на епидемијата на коронавирусот, кое ќе започне најдоцна до четврток.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228