Во Србија досега вакцинирани над 19.000 лица, утре пристигнува кинеската вакцина Синофарм
Вакцинацијата на првите 1.000 граѓани постари од 75 години, кои доброволно се пријавија преку порталот Е-управа, денеска почна во десет здравствени домови во Белград, јави дописникот на МИА од Белград.
-Секој што е вакциниран добива информатор, самата вакцинација не е болна, досега се вакцинирани над 19.000 луѓе, а ќе бидат 20.500, досега немаше никакви несакани ефекти,изјави државниот секретар во министерството за здравство, Мирсад Ѓерлек.
Според него, вакцинацијата на 175.000 лица кои досега се имаат онлине пријавено за вакцинација, утре ќе почне и во Суботица, Зрењанин, Сомбор, Нови Сад, Шабац, Лозница, Чачак, Крушевац, Крагуевац, Ниш.
По завршување на вакцинацијата на граѓаните постари од 75 години, ќе бидат вакцинирани оние од 64 до 74 години, кои ќе дојдат на ред во зависност од моменталната епидемиолошка состојба и бројот на вакцините на институтот „Торлак“.
Во Србија засега граѓаните се вакцинираат со вакцините на Фајзер и Спутник V.
Како што пишуваат медиумите, првите количества на кинеската вакцина за коронавирус од компанијата Синофарм во Србија ќе пристигнат утре.
Агенцијата за лекови и медицински помагала (АЛИМС) се уште нема издадено дозвола за употреба на кинеската вакцина, но се очекува таа да биде дадена.
Во недела со оваа вакцина може да започне имунизацијата на здравствените работници кои изјавија дека сакаат да ја примат оваа вакцина.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање