Во Србија денеска се организираат републички и покраински и избори
Во Србија денеска се одржуваат парламентарни избори и избори за пратеници во Собранието на Војводина, како и локални избори во 65 општини и градови, вклучувајќи го и Белград.
Ова се 14-ти парламентарни избори во Србија од воведувањето на повеќепартискиот систем, а дури деветти вонредни. Правото на глас можат да го остварат 6. 500. 666 запишани избирачи на 8.
273 избирачки места низ целата држава. Избирачките места утринава се отворени во 7 часот, а доколку нема некои прекини ќе бидат затворени во 20 часот.
На парламентарните избори во Србија учествуваат 18 изборни листи, со предложени вкупно 2. 817 кандидати за 250 пратенички места.
За 120-те пратенички места во Собранието на Војводина се натпреваруваат 13 избирачки листи, а за 110-те советнички места во Собранието на Белград ќе се натпреваруваат 14 изборни листи.
Косовските Срби ќе гласаат на избирачки места во јужниот дел на централна Србија – во Врање, Куршумлија, Рашка и Тутин.
Лицата кои на денот на гласањето отслужуваат воен рок, воена обука или обука во единици или институции на Вооружените сили на Србија, можат да гласаат на вкупно 36 избирачки места во повеќе општини.
Во институциите за извршување на кривични санкции ќе бидат отворени 29 избирачки места, а запишани се 8. 543 гласачи.
Српските државјани кои живеат во странство можат да гласаат во 35 земји на 81 избирачко место, а регистрирани се 39. 270 гласачи.
Поради разликата во временските зони гласањето во САД, Канада, Португалија и Велика Британија се одржа вчера. Изборите ќе ги следат рекордни 5.
587 набљудувачи, а тоа се девет домашни здруженија и 25 меѓународни организации и странски држави.
За една изборна листа да може да влезе во собранието и да освои пратенички мандати потребно е да го помине прагот од три проценти, а во распределбата на мандатите учествуваат и партиите и коалициите на националните малцинства и доколку освојат помалку од три проценти.
Ново на Сител
-
Тема на денот со Марјан Ненов од движењето Стоп извршители
-
Почина родилка во кумановската болница, новороденчето на интензивна на Детска
-
Струмица и шест села останаа без исправна вода за пиење
-
Законот за нефер трговски практики стапи на сила, поевтинување нема
-
Софија одби медијаторство на Орбан во разговорите со Скопје, различни анализи што всушност понуди унгарскиот премиер
-
ВМРО-ДПМНЕ: Државниот ревизор утврдил сомнителни набавки од Владата на СДСМ
-
Расте потребата од образовни асистенти
-
Пристап до безбеден абортус е здравствено право на секоја жена