Во Скопје ноќеска казнети 38 пијани возачи

Полицијата ноќеска кај 38 возачи на територија на Град Скопје утврдила присуство на алкохол во крвта, а тројца одбиле проверка. Сите возачи полицијата ги исклучила од сообраќај и им ги одзела возачките дозволи. 

-Во периодот од 00.00 часот до 05.00 часот на 07.07.2019 година Одделението за безбедност на патниот сообраќај при Секторот за внатрешни работи Скопје спроведе акциска контрола за откривање на возачи кои управуваат со возило под дејство на алкохол. Притоа, кај 38 возачи утврдено е присуство на алкохол во крвта, додека тројца возачи одбиле проверка за присуство на алкохол. Сите 41 возачи се исклучени од сообраќај и се одземени возачките дозволи, информираат од МВР.   

Полицијата открила и 43 останати прекршоци за кои се издадени 13 мандатни платни налози и 30 прекршочни платни налози.