Во Сирија повторно погодена болница на Лекари без граници

Болница на Лекари без граници повторно е погодена во сирискиот град Алепо во напад од воздух со што е прекршено меѓународното хуманитарно право, соопшти таа организација.

Болницата Омар Бен Абдулазиз што се наоѓа во источниот дел од Алепо и ја водат Лекари без граници, е уништена, се вели во соопштението.

Засега нема информации дали има загинати или повредени луѓе во нападот. Најверојатно цел на бомбардирање била зграда што се наоѓа на десетина метри од болницата, јавуваат западни медиуми.