Во штипската населба Долна Железничка се гради канализациска мрежа
Општина Штип и комуналното претпријатие „Исар“ почнаа со изградба на нова канализациска мрежа во населбата Долна Железничка. Градоначалникот на Општина Штип, Благој Бочварски, кој денеска беше на увид на градежните работи, истакна дека станува збор за линија со должина од околу 400 метри со седум приклучни шахти на која ќе се приклучат неколку домаќинства од овој дел од градот.
-Се наоѓаме во населбата Долна Железничка каде преку комуникација со урбаните заедници увидовме потреба од изградба на канализациска мрежа во овој дел од градот како едно од главните барања на урбаната заедница во Долна Железничка. Се работи за инвестиција од околу 750.000 денари, изјави Бочварски.
Директорот на ЈП „Исар“-Штип, Живко Тасев истакна дека во програмата за работа на јавното претпријатие имаат предвидено повеќе вакви проекти кои ќе се случат во текот на овој период, заради тоа што, како што рече, граѓаните во 21. век мора да имаат добри услови за живот.
Тој најави дека активностите ќе продолжат во населбата Горна Железничка, каде неколку домакинства ќе добијат канализациска мрежа.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај