Во Штип трибина за млади претприемачи
Шеесетина млади претприемачи пред штипските студенти ги раскажаа своите приказни, како по дипломирањето успеале сами да почнат сопствени бизниси.
Трибината денеска ја организираше Инфо клубот при универзитетот „Гоце Делчев“- Штип. Координаторот на Инфо клубот, Ивана Стојанова вели дека целта на ваквите настани е да ги поттикнат и охрабрат младите лица и да им го покажат патот до сопствен бизнис. Таа истакна дека ваквите трибини и информации за можностите кои им се нудат на младите се потребни со цел да останат во државата, бидејќи анализите покажуваат оти еден дел во текот на студирањето или по дипломирањето заминуваат во странство.
Штипјанката Ивана Трендафилова пред студентите ја раскажа својата приказна како млад претприемач. Таа на штипскиот универзитет „Гоце Делчев“ дипломирала на архитектура и дизајн, пред една година создала сопствена фирма за украсување на простор за свечености. Ивана вели покрај бизнис идеја треба да имаш и капитал и поддршка од страна на семејство, а почетокот бил тежок, се соочила со нелојана конкуренција. Но сега вели дека сите проблеми ги надминала, а државата и помогнала и со една од мерките за самовработување.
- Од државата ја имам искористено мерката да неплаќам придонеси првата година, веќе и самата си ги плаќам. Но оваа мерка олеснува многу на почетокот, вели Трендафилова.
Младите претприемачи забележуваат дека на почетокот треба да се има верба во сопствената бизнис идеја, а потоа се се учи во текот на работењето.
Студентите денеска се информираа што им нуди граѓанскиот сектор, но и можностите за размена на студенти преку Еразмус плус програмата.
Ново на Сител
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор