Во серија напади во Авганистан убиени 58 војници

Најмалку 58 припадници на авганистанските безбедносни сили се убиени во серија напади што синоќа биле извршени на цела територија на Авганистан, вклучувајќи го и нападот на воената база во Кандахар.

Претставник на авганистанските власти изјави дека во нападот врз базата загинале најмалку 43 лица.

Два самоубиствени бомбашки напади биле извршени во интервал од неколку часа, а убиени се и десетмина напаѓачи.

Одговорноста за нападите ја презедоа талибанците.

Според податоци на авганистанското Министерство за одбрана, во базата во областа Мајванд, кој граничи со провинцијата Хелманд, имало вкупно 60 војници.