Во Прилеп денес регистрирани рекордни 38 новозаразени со Ковид-19

Рекордни 38 нови случаи на коронавирус регистирал Центарот за јавно здравје од Прилеп, а 13 лица оздравеле.

Починати се две лица на 75 и 78-годишна возраст.

Бројот на активни случаи изнесува 237, од кои 201 се наоѓаат на домашно, а 36 на болничко лекување во Инфективното одделение на прилепската болница.

Вкупниот број на заразени од Ковид-19 од почетокот на пандемијата изнесува 973.