Во Прифатниот транзитен центар-Гевгелија евидентирани 2.988 мигранти
Регионалниот Центар за управување со кризи од Гевгелија соопшти дека од вчера до денеска до 8 часот во Прифатниот транзитен центар-Гевгелија биле евидентирани податоци за 2.988 мигранти од кои поголемиот дел или околу 2.500 со 4 возови се транспортирани за Табановце.
Најмногу бегалци, поточно 1.556 се од Сирија, 786 од Авганистан и 646 од Ирак. Меѓу нив се евидентирани 518 семејства и околу 1.200 малолетни лица.
Екипите на Црвениот крст поделиле 1.824 шишиња вода, 565 пакети со храна, 22 ќебиња, 670 јакни, 390 пара ракавици и 175 пара кондури. Тие извршиле 45 интервенции, 566 асистенции и транспорт на четворица мигранти од котата 59 до кампот во Гевгелија.
Од ЈЗУ Гевгелија информираа дека нивните дежурни екипи извршиле 38 прегледи на лице место без потреба од транспорт до Општата болница, како и дезинфекција на површина од 2.250 метри квадратни.
Според проценките, во моментот во Прифатниот транзитен центар има околу 400 мигранти кои очекуваат да бидат транспортирани за Табановце, а од МВР најавија дека на грчка страна има околу 1.000 мигранти кои чекаат влез во гевгелискиот прифатен камп.
Ново на Сител
-
Преглед на вестите од светот
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп