Во пожар во гостиварска Долна Бањица изгоре работилница за мебел

 Во пожар кој доцна синоќа избил во гостиварското село Долна Бањица изгоре работилница за мебел и помошен објект. Во гаснењето на пожарот двајца пожарникари се задобиле со телесни повреди.

Според првичните сознанија огнот се појавил околу 22 часот, по што била повикана противпожарната единица. Заради запалливите материјали огнот брзо се проширил и на станбениот објект, а интервенцијата на пожарникарите била насочена кон заштита на околните куќи. Пожарот бил локализиран утрово околу петж часот, а на помош притекнале и пожарникарите од Тетово. Штетата по
опожарувањето дополнително ќе се утврдува, но извесно е дека таа е голема.

Медицинска помош побарале двајца пожарникари кои при гаснењето се задобиле со телесни повреди.

Повеќе детаљи за пожарот што ги вознемири жителите на околните населби Дутлок и Долна Бањица ќе бидат познати по увидот што се очекува да започне денеска пртпладне.