Во Полска стигнаа првите повеќецевни ракетни фрлачи ХИМАРС - ќе ги распореди близу границата со Русија
Полска ја примила првата пратка на ракетни лансери HIMARS од американско производство, коишто планира да ги распореди близу границата со Русија, соопшти во понеделникот полскиот министер за одбрана Мариус Блашчак.
„Ова оружје ќе биде поставено на североистокот од нашата земја (…), неговата задача ќе биде да го одвети агресорот“, изјави Блашчак за новинарите.
Полското Министерство за одбрана во март објави дека со овие системи со долг дострел ќе биде опремена воената единици стационирана во Олшин, на околу 80 километри од руската балтичка енклава Калиниград.
Како што рече Блашчак, HIMARS-ите ќе „ја зајакнат полската војска на источното крило на земјата и Северноатлантскиот сојуз“.
Полска, којашто граници со Украина со којашто има крвава и територијално проблематична историја но силно ја поддржува во антируската кампања по превратот во Киев во 2014 година, во 2019 година договори набавка на 20 системи HIMARS, а сега ја прими нивната прва испорака. Варшава вели дека преговара со САД за значително поголем број парчиња од ова вооружување.
„Американскиот Конгрес одобри продажба на речиси 500 ракетни лансери на Полска. Ќе бидат испорачани во Полска што е можно поскоро. Сакаме HIMARS-ите да се произведуваат во Полска, што ќе настојуваме да го обезбедиме во рамките на новиот договор за кој штотуку преговараме. Тоа си го поставивме како задача“, рече во понеделникот министерот Блашчак.
Полска најави големи зголемување на буџетот за одбраната, до 4 отсто од бруто домашниот производ (БДП), а владата вели дека земјата мора „што поскоро“ да се вооружи во услови на руската инвазија во Украина.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња