Во Пијанечко-малешевскиот регион и по една недела нема нови случаи на Ковид-19
Во четирите најисточни општини кои потпаѓаат под Пијанечко-малешевскиот регион, Делчево, Берово, Пехчево и Македонска Каменица, веќе седми ден не е регистриран нов случај на Ковид-19. Во моментот во Малешевијата, само еден потврден случај на коронавирус има во Пехчево, додека по оздравувањето на пациентот од Владимирово, во Берово не е регистриран нов случај на коронавирус.
Надлежните од овие две општини информираат дека и покрај ваквата состојба, редовно се преземаат мерки за заштита на населението од појава на евентуални нови случаи на Ковид-19.
-Единствениот позитивен пациент на коронавирус од Пехчево се опоравува и очекуваме негово оздравување, со што нема повеќе да имаме позитивни случаи на коронавирус. За да продолжи ваквата состојба, продолжуваме со стандардните мерки за заштита меѓу кои дезинфекција на просториите во сите јавни институции, здравствените домови, јавните површини меѓу кои паркови, влезови во колективни станбени живеалишта и слично, истакнаа надлежните.
Во општините од Пијанечкиот регион, Македонска Каменица и понатаму останува една од ретките општини каде од избивањето на пандемијата нема регистриран случај на коронавирус.
-Овде се вршат сите стандардни мерки за заштита, кон кои се придржува населението. што сметаме дека беа клучен фактор, пандемијата да ја одмине нашата општина, велат одговорните лица за справување со пандемијата.
Во Делчево состојбата исто така е стабилна. Освен единствениот пациент кој пред повеќе од месец дена беше регистриран во оваа општина кој за жал почина од компликации од други болести, индиции за нови случаи надлежните засега немаат регистрирано.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри