Во операцијата „Маслиново гранче“ досега загинале 41 турски војник

Повеќе од 40 турски војници досега загинале во операцијата „Маслиново гранче“ во северна Сирија која почна на 20 јануари, информира денеска турскиот претседател Реџеп Таип Ердоган.

- Бројот на неутрализирани терористи достигна 2.872 лица. Од составот на нашите вооружени сили и жандармерија загинале 41 наши војници, изјави Ердоган.

Турција на 20 јануари ја почна воената операција „Маслиново гранче“ во реонот на сирискиот град Африн, чија цел се сириските курдски милиции Сили за заштита на народот и Партијата на демократскиот сојуз, кои Анкара ги смета за терористички организации, поврзани со илегалната Курдска работничка партија (ПКК).