Во Охрид светиот крст го фати Мартин Гоџоски по втор пат

Мартин Гоџоски од охридската населба Варош беше најуспешен и меѓу неколкуте стотини верници успеа да го извади Чесниот од осветените води на Охридското Езеро.Ова е негово второ фаќање на светиот крст, во 2022 година тој исто така беше среќниот верник кој го извлече крстот.

За прв пат оваа година водите на Охридското езеро ги освети Архиепископот Охридски и Македонски г.г. Стефан, кој и го положи Чесниот крст во езерските води

На манифестацијата присуствуваше и претседателката Гордана Силјановска Давкова. Оваа година во Охрид има рекорден број на посетители.