Во Охрид до 13 часот гласале 34 проценти од граѓаните, во Дебрца речиси 30 отсто
На територијата на Општина Охрид до 13 часот на гласање излегле околу 34 отсто од запишаните граѓани со право на глас или 42 проценти според Единствениот избирачки список во кој не влегуваат лицата со привремен престој во странство.
Што се однесува на текот на самиот изборен процес истиот се одвива непречено, со помали проблеми. Покрај грешката објавена од ДИК за избирачките места 1253 и 1253/1 за кои наведе дека се наоѓаат на улицата „Македонски просветители“ наместо во ОУ „Григор Прличев“ како што информираа од ОИК, претседателот на ОИК Димитрије Вревезовски уште информира за случај на исчезнување на едно гласачко ливче на избирачкото место во селото Лескоец. Според него, надлежните работат на евидентирање и расчистување на случајот.
На избирачките места во Општина Дебрца до 13 часот правото на гласање го искористиле 1547 граѓани што претставува речиси 30 отсто од вкупно регистрираните гласачи. Претседателот на ОИК Зоран Ногачески изјави дека изборниот процес на сите гласачки места се одвива непречено.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор