Во мавровските хотели сместени 135 лица кои допатуваа од странство
Во два мавровски хотели од синоќа во карантински услови сместени се 135 лица кои допатувале од странство.
Медат Куртовски, градоначалникот на општина Маврово Ростуше, на чија територија се наоѓаат објектите во телефонски разговор за МИА потврди дека во хотелите „Макпетрол“ и „Спорт“ во текот на ноќта и рано утрово со автобуси биле донесени лицата кои според насоките треба да бидат во двонеделна изолација.
Утрово во хотелот „Макпетрол“ во селото Маврово сместени се 74, а во „Спорт“ 61 лице и веќе се запознаени со обврските и ограничувањата.
Од секретаријатот известија дека граѓаните сместени во државните карантински објекти не се закана за никого, а објектите ги обезбедуваат полицијата и војската.
– Ниту еден граѓанин сместен во државен карантин во периодот од 14 дена не смее да ја напушти сопствената соба, ниту објектот, а секој кат од сместувачкиот објект е строго контролиран и обезбеден од војската и полицијата. За секој од нив е направена епидемиолошка анкета и определен е соодветен режим во карантинскиот објект кој е целосно безбеден и строго контролиран и надгледуван, наведуваат од генералниот секретаријат на Владата на РМ во соопштение објавено на официјалната интернет-страница на Владата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање