Во Малешевијата до девет часот 686 граѓани гласале на референдумот

Во општините Берово и Пехчево на време започна референдумскиот процес. Според информациите кои ги добивме од оштинската изборна комисија во Берово и претседателот Мишо Догазански, по првиот пресек во 9 часот своето право на глас го оствариле 470 граѓани.

- Не се регистрирани никакви проблеми и забелешки околу почетокот на процесот за референдумот. Во Берово се гласа на 16 избирачки места а до 19 часот своето право на глас имаат право да го остварат вкупно 10.960 граѓани, рече Догазански.

Според информациите на Соња Бочварска, заменик претседател на општинската изборна во Пехчево таму гласаат 4178 граѓани.

- Од оние граѓани со право на глас до девет часот во Пехчево излегле 216 граѓани. Гласањето на референдумот се одвива без проблеми и во најдобар ред, рече Бочварска.

Во Пехчево до 19 часот граѓаните своето гласачко право ќе можат да го остварат на вкупно девет избирачки места.