Во Лондон уапсени 11 лица на протест заради убиството на афроамериканецот Флојд во Минеаполис
Во Лондон и во неколку други британски градови синоќа се одржаа протести за поддршка на демонстрациите во САД што избувнаа по смртта на афроамериканецот Џорџ Флојд, кој умре за време на брутално полициско апсење во Минеаполис. Само во британската престолнина синоќа беа уапсени 11 демонстранти.
Полицијата во Лондон соопшти дека апсењата биле поради напади врз полицајци или носење оружје и дека сите уапсени биле на возраст меѓу 17 и 25 години, пренесува британски „Сан“.
Учесниците прво се собраа на плоштадот Трафалгар, а потоа, преку Вестмистер, стигнаа до американската амбасада во Лондон, носејќи транспаренти на кои пишуваше „Нема место за расизам“ и „Без правда нема мир“.
Како што наведуваат британските мдиуми, протестите беа претежно мирни, а на нив многугумина носеа маски за лице и ги кренаа тупаниците во знак на протест.
Покрај Лондон, протести имаше и во Манчестер и Кардиф, како и во Франција, Германија и Данска.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден