Во Крива Паланка поднесени 788 барања за легализација дивоградби

До Одделението за урбанизам, сообраќај и заштита на животна средина на општина Крива Паланка се поднесени вкупно 788 барања за легализација на бесправно изградени објекти изградени до 2 март 2011.

- Кривопаланчани го искористија овој дополнителен рок за поднесување барања и речеси 800 лица ќе добијат можност да се реши статусот на нивните градби. Само во текот на вчерашниот ден, кога Одделението работеше вонредно, до 20 часот, поднесени се 157 барања, а очекуваме и уште барања да пристигнат по пошта, со што најверојатно вкупната бројка поднесени барања ќе надмине осумстотини, информира Добривој Николовски, раководител на Одделението за урбанизам, сообраќај и заштита на животна средина на општина Крива Паланка.

Николовски додаде дека рокот за комплетирање на барањата е 31 декември 2017 година, додека рокот за доставување прилози кон барањата поднесени во претходнито рок истекува на крајот на тековната, 2016.

Инаку, откако стапи на сила Законот за постапување со бесправно изградени објекти во Крива Паланка се легализирани 600 дивоградби.