Во Крива Паланка отворена изложбата „Лазар Софијанов“
Во галерискиот простор на Националната установа Центар за култура Крива Паланка денеска беше отворена изложбата на дела од последната 26-та Детска ликовна колонија „Лазар Софијанов“, Кратово 2019.
– Изложени се триесет дела од минатогодишната колонија што се одржа во Домот на културата „Лазар Софијанов“, Кратово, а истите се создадени петнаесетмината учесници од Кочани, Кратово, Струмица, Скопје, Прилеп и Велес. Создадените дела од колонијата содржат и слики од професорите по ликовна уметност, ментори на колонијата, информира Вања Јакимовска, одговорна за ликовна дејност во НУЦК Крива Паланка.
Делата се работени во техника масло на платно и акрил на платно, а ќе бидат изложени пред Кривопаланечката јавност во следните десетина дена.
-Оваа изложба е дел од проектот на нМинистерството за култура за преземање на изложби, а се реализира во рамки на Годишната програма на Центарот за култура, додаде Јакимовска.
Во февруари НУ Центар за култура Крива Паланка реализира повеќе активности, како двете проекции на „Медена земја“ и „Глас“, поетски перформанс „Вино преточено во љубов“ и денешната изложба, а во понеделник на репертоарот е гостувањето на аматерски театар „Мирка Гинова“ од Демир Капија, со претставата „Умри машки“.
Претставата ќе се прикаже во понеделник, со почеток во 19 часот и 30 минути, а влезот чини 50 денари.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето