Во Кочани отчет за 100 дена локална власт на ВМРО – ДПМНЕ

 Во Мултикултурниот центар во Општина Кочани денеска ќе се одржи регионален отчет „Промени што носат иднина – 100 дена локална власт отчет на ВМРО-ДПМНЕ“ на градоначалниците на ВМРО-ДПМНЕ, каде обраќање ќе има претседателот на ВМРО-ДПМНЕ, Христијан Мицкоски.

Како што најавија од ВМРО – ДПМНЕ, отчет за сработеното ќе дадат градоначалниците на Општина Штип Иван Јорданов, на Општина Кочани  Љупчо Папазов, на Општина Виница Миле Петков, на Општина Чешиново Облешево Далибор Ангелов, градоначалникот на Општина Карбинци Виктор Паунов, на Општина Зрновци Борчо Коцев, градоначалникот на Општина Македонска Каменица Димче Атанасовски, како и градоначалниците на Општина Пехчево Александар Китански и на Општина Ранковце Борче Спасовски.