Во Кавадарци промовирана книгата „Име од светлина и рани"

Во Домот на културата „Иван Мазов - Климе“ во Кавадарци денеска беше промовирана книгата „Име од светлина и рани“ од група автори.

Книгата е во издание на Македонски манифест, а промоцијата ја организираа Културниот дом и Градската библиотека „Феткин“.

Во своето обраќање, Ефтим Клетников кој е еден од авторите, изрази задоволство што промоцијата се случува на Денот на ослободувањето од фашизмот и Денот на Европа. Потсети дека Македонскиот манифест веќе десет години се залага за зачувување на македонското уставно име.

- Ние Македонците имаме горчливо искуство со Европа, еве веќе столетие и пол. Македонија била распарчувана и делена на други. За жал, од големите европски сили на Западот. А од овде потекнуваат изворите на европската цивилизација. И како се случи Македонија да се бори за своето име? Зошто е тој притисок да се ликвидира еден народ кој му дал на човештвото големи цивилизациски дарови, нагласи Клетников.