Во јужна Русија пронајдени околу 2.500 угинати фоки
Околу 2.500 угинати фоки се пронајдени на брегот на Каспиското Море во јужна Русија во Дагестан, а засега нема показатели дека насилно се убиени, соопштија официјални локални претставници.
Првите извештаи покажале дека станува збор за околу 700 угинати фоки, но со натамошно пребарување на теренот е утврдено дека ги има најмалку 2.500, а можно е да се и повеќе. Од 2008 година Меѓународната унија за зачувување на природата ги прогласи касписките фоки за загрозен вид.
Началникот на Каспискиот центар за заштита на животната средина Заур Газипов истакна дека според првите резултати од истрагата, фоките загинале пред околу две недели и дека засега не се пронајдени докази дека се убиени или фатени во рибарска мрежа. Стручните тимови земале примероци од фоките со цел со лабораториско испитување да се утврди причината за угинувањето.
Популацијата фоки во Каспиското Море драстично е намалена во изминатите неколку децении поради прекумерниот лов и индустриското загадување. Пред околу 100 години имало повеќе од милион фоки, а последните проценки говорат дека останале само 70.000.
Ново на Сител
-
Тепачка за имот во с.Кадино, се пресметале 83-годишник и 65-годишна жена
-
Исчезнатиот Миле забележан на Серта: Исцрпен и ослабнат, побегнал во шумата кога му се обратиле!
-
Поднесено обвинение за убиство при семејно насилство во Кавадарци
-
Димитриеска Кочоска: Досега од буџетот се обезбедени 30 милиони денари за настраданите во Кочани, а исплатени се 11,2 милиони
-
Славески: Ќе ја оправдам довербата, а оние кои имаат забелешки ќе ги убедам дека Народна банка била и ќе остане неазависна
-
Кривична против 2 лица од Скопје, пронашле платежна картичка и ја искористиле 30 пати
-
38-годишник пронајден починат во семејна куќа во Гевгелија
-
Приведен 27-годишник, ја нападнал поранешната партнерка и случајни минувачи