Израелски авиони извршија нов напад врз Иран
Израелски авиони извршија нов воздушен напад врз воен аеродром во близина на северозападниот ирански град Табриз денеска околу 12:30 часот по локално време, објавија локални и безбедносни извори.
Се верува дека целта на нападот била воздухопловната база Шахид Факури, која се користи за сместување на борбени авиони, објави иранска новинска агенција.
Нападот следел неколку часа откако израелските сили извршиле воздушни напади врз Техеран и други градови низ Иран, погодувајќи станбени области и воени објекти.
Според ирански извори, меѓу загинатите во утринските напади се високи воени и безбедносни претставници, вклучувајќи го и началникот на Генералштабот на иранските вооружени сили, генерал Мохамед Хосеин Бакерија, командантот на Револуционерната гарда, Хосеин Саламија и командантот на иранската команда за воздушна одбрана, генерал Голама Али Рашид.
Изворите наведуваат дека настрадале и најмалку шест нуклеарни научници.
Лидерот на Исламската Република, ајатолахот Али Хамнеи го осуди нападот и го предупреди Израел за „тешки последици“. Израел засега не го коментираше последниот напад кај Табриз, ниту официјално ја потврди одговорноста за утринскиот напад.
Ново на Сител
-
Тошковски: Расветлени се мотивите за дел од случаите со пожарите кои настанаа изминатиот период
-
Уапсено лице кое предизвикува пожар во скопско Огњанци
-
Објавена снимка од надзорна камера, Арсовска прва нападнала, а полицијата веднаш реагирала | ВИДЕО
-
Освоивме прва награда на ICAMES во конкуренција на 15 држави | Елена и Марко од ФЕИТ | Sitel Podcast 103
-
Алкараз ќе ја брани титулата на Вимблдон, откако избори трето финале
-
Новата ракометна сезона ќе ја отворат Еурофарм Пелистер и Вардар во Супер купот
-
Утре потопло со пораст на дневните температури
-
Општина Чаир го осудува нападот врз Арсовска, нагласува дека никој од институцијата не е поврзан со настанот