Во Јужна Африка поради сушата загрозени 45 милиони луѓе
Вкупно 45 милиони луѓе од јужниот дел на Африка во следните шест месеци ќе се соочат со недостиг на храна поради тоа што регионот е погоден од најтешката суша во последните 35 години, соопшти Светската програма за храна.
– Досега повеќе од 11 милиони луѓе се во многу тешка ситуација на прехранбена несигурност во девет земји – Ангола, Свазиленд, Лесото, Мадагаскар, Малави, Намибија, Мозамбик, Замбија и Зимбабве. Се очекува влошување на ситуација во следните шест месеци и рекордни 45 милиони луѓе ќе имаат потреба од хуманитарна помош во целиот тој регион, се наведува во агенцијата на Обединети нации.
Според Светската програма за храна во Јужна Африка во текот на последните пет години, само во една година имало нормални дождови.
– Се соочуваме со најлошата суша во последните 35 години во централните и западните области на Јужна Африка, наведе директорката на Програмата, Маргарет Малу.
Кризата со недостиг на храна е влошена и поради невработеноста, голема загуба на стока и пораст на цените на прехранбените производи.
– Задоцнетите дождови по долгите периоди на суша, двата големи циклони и економски предизвици се покажаа катастрофални за прехранбената безбедност во Јужна Африка, изјави Ален Онибон од Организацијата на ОН за храна и земјоделство.
Јужниот дел од Африка, а пред се Мозамбик годинава беше погоден од два циклони при што настрадаа стотици илјади луѓе.
– Температурите на воздухот во Јужна Африка растат двапати побрзо од просекот на Земјата поради што во следните години Малави, Мозамбик, Демократска Република Конго, Танзанија, Замбија и Зимбабве ќе бидат најтешко погодени поради климатската криза, предупреди Светската програма за храна.
Ново на Сител
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово