Во јуни собрани 57 единици крв во Гевгелија и во Дојран

Во текот на јуни собрани се 57 единици крв, информираат од Црвениот крст од Гевгелија и службата за трансфузија од гевгелиската Општа болница.

Од вкупно реализираните крвни единици во текот на изминатиот месец 33 крводарители доброволно дарувале крв во службата за транфузија во болницата во Гевгелија, а останатите 24 биле собрани од акцијата одржана во Дојран.

- Изминативе шест месеци, за разлика од истиот период лани, кога бевме многу повеќе ангажирани во справувањето со бегалската криза, бевме многу повеќе посветени на полето на крводарувањето и тоа се одразува преку постигнатите резултати.Од досега реализираните акции собрани се вкупно 330 крвни единици што претставува зголемување за околу 50 крвни единици во однос на резултатот остварен во истиот период лани, велат надлежните од Црвениот крст во Гевгелија.

Следните крводарителски акции ги најавија за втората половина од овој месец кога доброволно крв ќе даруваат гевгелиските полицајци и учесниците на меморијалниот турнир во мал фудбал „Тихо“ кој се одржува во Миравци.