Во Италија уапсени 34 осомничени мафијаши

Италијанските власти денеска уапсија 34 осомничени членови на мафијата во голема полициска операција на 25-годишнината од убиството на судијата во борба против мафијата Паоло Борселина, извршено од сицилијанската Коза ностра.

Борселино и петмина телохранители загинаа при експлозија на автомобил-бомба на 19 јули 1992 година, два месеца откако неговиот колегха Џовани Фалконе беше убиен. Двата напади доведоа до посериозни акции против сицилијанската мафија.

Приведените дејствувале во квартот Бранкачо во Палермо и биле поврзани со мафијашиот клан Гравиано, чии водачи се осудени на доживотна казна затвор поради убиството на Фалконе и на Борселино.

При полициската операција одземени се сметки во висина од околу 60 милиони евра. Во друга акција против мафијата конфискувани се сметки во висина од околу 1,5 милиони евра.