Балкан
15. December 2016 - 13:21

Во Грција запленети 43 килограми кокаин дојден од Италија

Грчката крајбрежна стража уапси четири лица во Аспропиргос, во северниот дел на Атика, за кои постои сомневање дека се дел од синџир за трговија со дрога.

Операцијата била спроведена кога службеници на крајбрежната стража на Патрас пронашле околу 43 килограми кокаин, скриен во камион кој се симнал од ферибот од Италија.

Припадници на полициски одред за борба против шверц со дрога, го следеле камионот до Аспропиргос каде две други лица ја примиле дрогата.

Полицијата спроведува истрага со цел да се лоцираат повеќе членови на криминалниот синџир.