Во Гостивар се спроведуваат засилени мерки и вонредна дезинфекција на улици и контејнери

Општинските власти од вчера започна со спроведување на засилени превентивни мерки со кои се опфатени улиците, контејнерите за отпад. Дезинфекција е спроведена и во седиштето на општина Гостивар.

Од локалната самоуправа, информираат дека во склоп на преземените активности, во справувањето со „Ковид-19“, денеска била спроведена целосна дезинфекција на сите простории на општинската зграда.

Изминативе два дена во вечерните часови се врши дезинфекција и се мијат главните градски сообраќајници, а акцијата ќе продолжи и во наредните денови.

Од општина Гостивар уште еднаш апелираат до граѓаните да не ги напуштат своите домови без потреба и да ги следат препораките на Светската здравствена организација и установите на јавното здравје во нашата земја.

Од појавата на вирусот во Македонија, во Гостивар, до четвртокот во изолација беа 11 лица кои во меѓувреме не покажале знаци на болест.