Во Франкфурт успешно неутрализирана бомба од Втората светска војна
Авионска бомба од Втората светска војна, што беше откриена во Франкфурт, успешно е неутрализирана, откако претходно беше извршена масовна евакуација на околу 65 илјади жителите на овој германски град.
Граѓаните од подрачјето на градот каде што беше пронајдена бомбата вчера беа евакуирани и сместени на безбедни локации, по што германските експерти успешно ја деактивирале.
Полицијата претходно, со специјална електронска опрема за откривање луѓе, ги проверувала сите станбени згради и објекти во „опасната зона“ пред да бидат сигурни дека зградите се целосно празни.
Евакуацијата што беше извршена во неделата и траеше во текот на целиот ден, е означена како најголемата ваква операција во Германија, по завршувањето на Втората светска војна.
Бомбата е откриена во западниот дел од Франкфурт, при копање темели за изградба на нова зграда.
Локацијата на бомбата била 2,5 километри од строгиот трговски центар на градот, во густо населено подрачје со станбени згради, болници, пензионерски домови и центри за нега на неизлечиво болни лица, како и седиштето на германската Централна банка.
Опасната зона„ била широка 1,5 километри од местото каде е пронајдена бомбата.
Во текот на едно од бројните бомбардирања на градот за време на Втората светска војна, бомбата, тешка 1,4 тони, била фрлена од еден од авионите на британското воено воздухопловство (РАФ), но не експлодирала и останала „притаена“ безмалку 75 години.
Германските историчари и воени аналитичари сметаат дека во земјата се уште има стотици илјади неоткриени и неексплодирани бомби.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп