Во Франкфурт ќе бидат евакуирани 70.000 луѓе поради деактивирање на бомба
Бомба тешка 1,8 тони е причина за евакуирање на население во делови од Франкфурт, која ќе биде деактивирана в недела, јави германската агенција ДПА.
Во операцијата ќе бидат евакуирани околу 70.000 луѓе, кои што живеат во близина на неексплодираната бомба од Втората светска војна.
Според планот за евакуација, со кој раководи централниот полициски штаб од Франкфурт, времено ќе бидат иселени сите жители кои се наоѓаат во радиус од 1,5 километри од локацијата на бомбата.
Според весникот „Билд“, бомбата содржи околу 1,4 тони експлизив и доколку експлодира неконтролирано може да предизвика огромни човечки и материјални штети во густо населениот дел од Франкфурт.
За време на Втората светска војна врз Франкфурт се фрлени над два милиона бомби од кои што околу 20 отсто или 400 илјади не експлодирале.
Во Германија на секои неколку месеци се пронаоѓаат и деактивираат бомби од Втората светска војна, кои најчесто се безопасни, а експертите за експлозиви ги деактивираат за неколку часа.
Досега најголемата евакуација од ваков вид се случи лани во декември кога во градот Аугсбург беа евакуирани над 54 илјади жители кои во своите домови се вратија по десетина часа.
Ново на Сител
-
МЗТ Скопје по седми пат го освои Суперкупот
-
Роналдо започна преговори со Ал-Наср за продолжување на договорот
-
Претреси во Охрид поради лихварство и изнуда, приведено едно лице
-
ИДФ: Во нападот во Бејрут убиен уште еден командант на Хезболах, Набил Каук
-
Конкурсите за поддршка на проекти од културата ќе бидат објавени утре, новини во начинот на финансирање
-
Сообраќајка на две товарни возила, во прекин сообраќајот на магистралата Куманово - Крива Паланка
-
САД наредија дел од нивните вработени во Амбасадата во Бејрут да го напуштат Либан
-
Претрес во Тетово, пронајдена дрога