ИДФ: Во нападот во Бејрут убиен уште еден командант на Хезболах, Набил Каук
Израелските одбранбени сили (ИДФ) денеска соопштија дека уште еден висок функционер на Хезболах, командантот Набил Каук, бил убиен во синоќешниот воздушен напад врз Бејрут.
Каук бил убиен во напад на воен авион во предградието Дахије, познато упориште на Хезболах, според Тајмс оф Израел.
Тој бил командант на „превентивната безбедносна единица“ на Хезболах и висок член на Централниот совет на либанската група, се вели во соопштението на ИДФ.
Каук бил близок до раководството на Хезболах и бил „директно вклучен во организирање терористички напади против државата Израел и нејзините граѓани, вклучително и нападите во изминатите неколку дена“, се додава во соопштението на израелската војска.
Како што е објаснето, Каук му се придружил на Хезболах во 1980-тите и бил заменик-лидер, а подоцна и водач на јужниот либански огранок на групата.
Бил и член на Извршниот совет, како и заменик претседател на тоа тело на Хезболах.
Хезболах сè уште не ја потврдиле смртта на Каук, но поддржувачите на групата од вчера објавуваат пораки во жалост за неговата смрт, според Ројтерс.
Ново на Сител
-
Сообраќајка на две товарни возила, во прекин сообраќајот на магистралата Куманово - Крива Паланка
-
САД наредија дел од нивните вработени во Амбасадата во Бејрут да го напуштат Либан
-
Претрес во Тетово, пронајдена дрога
-
Анкета: Криминалот и корупцијата најголем проблем во државата, ВМРО-ДПМНЕ со зголемена доверба споредено со парламентарните избори
-
Во Прилеп приведено лице барано со потерница
-
Најстудено во Берово и Попова Шапка, најмногу дожд во Дебар
-
На автопатот Тетово-Скопје животот го загуби 24 годишен возач од Свети Николе
-
Министерски состанок за Агендата за Западен Балкан за иновации, истражување, образование, култура, млади и спорт