Во Флорида промовирана монографијата за Атанас Близнаков

Jубилејното издание на монографијата за македонскиот национален деец, иселеник и повратник од САД, Атанас Близнаков, чиј автор е публицистот Славе Катин, беше претставено на собир во организација на Македонската православна црква „Св. Димитрија“ од Флорида.

Монографијата, чиј рецензенти се ректорот проф.д-р Никола Јанкуловски и проректорот проф. м-р Гордана Јосифова-Неделковска, е на македонски и англиски јазик, а е издание на Ректоратот на Универзитетот „Свети Кирил и Методиј“ од Скопје.

Промоцијата се одржа по повод 40-годишнината од формирањето на фондацијата „Атанас Близнаков“ на Универзитетот „Свети Кирил и Методиј“ од Скопје, преку која околу 350 студенти завршиле универзитетско образование.