Во два дена на распит четворица сведоци за "Рекет"

Во обвинителството за гонење организиран криминал и корупција во тек е распит на претседателката на собранието на Меѓународниот сојуз на Боки 13, Агапи Дика. Во 10 часот утринава почна распитот на Дика а на влез во обвинителството, таа изјави дека ништо не знае за сумата од 700 илјади евра кои легнале на сметката на Меѓународниот сојуз. 

 

Попладнево, да сведочи е повикан и бизнисменот Зоран Азманов кој во јавноста тврдеше дека и тој бил рекетиран. 

 

Според информациите од обвинителството, утринава во својство на сведок била и продавачка од салон за мебел во кој Обвинетиот Боки 13 купувал мебел. 

 

Во обвинителството за гонење организиран криминал и корупција, во текот на вчерашниот ден исказ давала и Јованка Кухар, финансискиот раководител и координатор на проектите на Меѓународниот сојуз на Боки 13.

 

Инаку претходно за случајот Рекет сведочеа бизнисменот Силјан Мицевски, пратениците Фросина Ременски и Александар Кирацовски и Лила Филиповска.