Во Делчево зголемен бројот на случаи со стомачен вирус
Зголемен е бројот на пациенти во Делчево со симптоми на стомачен вирус. Само во Итната медицинска служба со карактеристичните болки во дигестивниот тракт, повраќање и дијареја, во август се примени 150 пациенти. Оваа бројка е двојно поголема ако се земе предвид дека голем дел од пациентите помош бараат од матичните лекари, истакнува д-р Гоце Стоименовски раководител на Итната помош во Делчево.
- Овој период имаме зголемен број на пациенти со симптоматологија на стомачен вирус, со болки во стомакот, со гадење, повраќање, дијареја. Тоа се должи на вироза, односно вирус во дигестивниот систем и ја дава оваа симптоматологија. Покрај основните симптоматолошката терапија, се препорачува хигиено-диететски режим, односно во исхраната да се употребуваат повеќе течности, варен чај од нане, варен компир, супа, двопек, односно храна која полесно се апсорбира од дигестивниот систем, рече д-р Стоименовски.
Тој додаде дека причината за стомачниот вирус е паднатиот имунитет на организмот, а возраста на пациентите е најразлична, но голем број од нив се бебиња и деца.
- Кај нив се препорачува поголем внес на течности, значи не е битна толку храната во оваа состојба, колку течностите се со цел да се избегне дехидратација на организмот која понатаму бара болничко лекување. Апелирам до родителите да внимаваат на овој факт, рече д-р Стоименовски.
Во овие 20 дена од август, во Итната медицинска служба се јавиле околу 450 пациенти, а променливото време зачинето со високи летни температури донело и зголемен број на пациенти кои имале варијација на крвниот притисок. Лекарите предупредуваат да се зема редовната терапија и да се избегнува движење во периодот кога сонцето е најјако.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово