Во Делчево за две недели 15 пожари од запалени стрништа

Изминатите две недели на петанесетина пожари од запалени стрништа интервенирала делчевската Територијална противпожарна единица.

Командирот на ТППЕ Делчево Јонче Атанасовски, рече дека земјоделците сакајќи да ја исчистат сувата трева од нивите или меѓите, палат оган кој им бега од контрола по што предизвикуваат штети на околните шуми, или ниви од соседите.

- Секој втор ден горат стрништа кои предизвикуваат пожари со ненадоместливи штети во Делчевско. Само пред неколку дена, на подрачјето меѓу селата Вирче и Град, запалено стрниште зафатила површина од 10 хектари при што изгореа два насади со сливи, нискостеблеста и борова шума, истакна Атанасовски.

Имајќи предвид дека сезоната за чистење на нивите со затоплувањето на времето ќе добие на интензитет, од Дирекцијата за заштита и спасување ги известуваат земјоделците да внимаваат при оваа пролетна активност на нивите.

- Се известуваат граѓаните при приготвување на земјоделските површини за пролетна сеидба, како и за чистење на стрништа, меѓи, овоштарници и други површини да внимаваат и тоа да го прават на начинкако не би предизвикале пожар или експлозии. Во спортивно согласно со Законот за заштита и спасување за прекршителите следува глоба во износ од илјада евра, истакна Влатко Ристов од ДЗС.