Во Делчево претставени кандидатите на ВМРО-ДПМНЕ за локалните избори
На партиска конвенција синоќа во Делчево ВМРО - ДПМНЕ и коалициските партнери ги претставија кандидатот за градоначалник и кандидатите за советници за претстојните локални избори. Пред присутните се обрати носителот на листата Сашко Ивановски, актуелен директор на ООУ „Ванчо Прке“ во Делчево, кој порача дека претстојните избори се референдум за Македонија.
- Фалангата на ВМРО - ДПМНЕ и коалицијата под полна пареа, освежена, максимално мобилизирана, засилена, охрабрена и со ваша силна поддршка, гази, меле, дроби се пред себе и оди во една сигурна победа. Горди мои делчевчани, ве повикувам заедно обединети на овие избори да ни бидете ветар во грб, сила логистика насочувач и коректор. Сите ние сме си потребни еден на друг, бидејќи ова не се само локални избори, бираме дали ќе постоиме, ова е безмалку референдум за тоа дали ќе постоиме, избори на кои бираме унитарност, бираме двојазичност, .од утре натаму не смееме да дозволиме да не исплашат заплашат да не покупат, да не скршат да не поделат, рече Ивановски.
Кандидатот за градоначалник Иван Соколов ја споедели неговата визија за, како што рече, европско Делчево и најави заедничко решавање на проблемите на граѓаните, земјоделците, иселувањето, инфраструктурата,..., како и професионална администрација.
- Сите заеднички да се сплотиме и да им навестиме на граѓаните дека доаѓа пролет, дека почува нова ера, дека ќе се менуваат работите на подобро, да навестиме дека нема повеќе да молчиме, дека во Делчево ниту земјоделците, ниту индустријалците ќе молчат повеќе, сите заедно ќе тргнеме во ново време, сите заедно ќе тргнеме во една подобра Македонија, сите заедно ќе тргнеме кон едно подобро Делчево, истакна Соколов.
Ново на Сител
-
Премиерот Мицкоски во Салцбург на 20. Европски самит
-
Нема опасност за посетителите на ЗОО Скопје доколку немале директен контакт со заболените птици
-
СЗО: Египет е земја без маларија
-
Слот по победата над Челси: Најтешкиот натпревар досега, вложивме неверојатен напор
-
Почнува вакцинацијата против сезонски грип
-
ПМФЛ: Силекс го победи актуелниот шампион, Вардар поразен и од Беса
-
Алаба не се откажува, почна да трча без болки во коленото
-
Шпанската крајбрежна стража спасила над 230 мигранти кај Канарските острови