Во Дебар и Центар Жупа во сабота ќе гласаат 33 болни и изнемоштени лица

Во општините Дебар и Центар Жупа своето право на глас на 4 мај ќе го остварат 33 болни и изнемоштени лица.

Според претседателката на Општинската изборна комисија, Елмира Бакали, во Дебар ќе гласаат 30 лица.

-Ќе гласаат 30 болни и изнемоштени лица. Тоа е идентична бројка како и во првиот круг од гласањето. За второт круг немавме ново пријавени, рече Бакали.

Во недела, на 5 мај, во оваа општина изборниот процес ќе се одвива во 27 избирачки места, а колку лица со право на глас ќе се бидат во Единствениот избрачки список ќе се знае во четврток. Во првиот круг, според Бакали, во избирачкиот список за претседател на државата запишани беа 18.602 гласачи.

Во Општина Центар Жупа, во својот дом ќе гласаат три болни и изнемоштени лица.

Според претседателот на ОИК, Еран Зубер, едно лице гласало во првиот, а две се пријавиле за вториот круг на гласање.

Во оваа општина ќе се гласа на 16 избирачки места. Во Единствениот избрачки список во првиот круг беа запишани 6.951 лице.