Во Бугарија состанок на Советот за регионална соработка
Нова тригодишна стратегија и програма за работа на Советот за регионална соработка (РЦЦ) денеска ќе биде претставена на годишниот состанок на оваа организација во Правец во Бугарија.
На состанокот ќе се дискутира за регионалната соработка, како фактор за стабилноста и економскиот развој во Југоисточна Европа.
Во Правец денеска ќе биде одржан и состанок на министрите за надворешни работи на Процесот за соработка во ЈИЕ (СЕЕЦП), на кој би требало да бидат одобрени нова стратегија и програма за работа на РЦЦ, како и годишниот извештај на таа организација.
Во уводниот дел на годишниот состанок на РЦЦ на присутните ќе им се обратат министерот за надворешни работи на Бугарија и претседавачот на Процесот за соработка во ЈИЕ, Даниел Митов и генералниот секретар на РЦЦ Горан Свилановиќ, кои заедно претседаваат со состанокот.
Процесот за соработка во ЈИЕ е покренат во 1996 година со цел тој дел од Европа да се трансформира во регон на стабилност, безбедност и соработка во согласност со европските интегративни текови, а преку унапредување на меѓусебниот дијалог и соработка. Членки на СЕЕЦП се Македонија, Албанија, Босна и Херцеговина, Бугарија, Црна Гора, Грција, Хрватска, Молдавија, Романија, Србија, Словенија и Турција.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација