Во Бразил над 100.000 заразени со Ковид-19

Новите случаи на заразени со новиот коронавирус во Бразил се 4.588 за изминатиот ден, а смртните случаи за истиот период се 275, соопшти бразилското Министерство за здравство. Со тоа, вкупниот број потврдени случаи во Бразил надминува 100.000.

Бразил досега има регистрирано 101.147 потврдени случаи од вирусот и 7.025 починати.

Бројот на нови случаи е зголемен за околу пет отсто во однос на претходниот ден, а смртните случаи за околу четири отсто, соопшти Министерството.