Во Благоевград транспаренти „Македонија е бугарска“ | ФОТО

Благоевград е подготвен да го пречека Христијан Мицкоски. Ве повикуваме денеска на протест против провокациите на македонизмот во Пиринска #Македонија, сподели на својот Фејсбук профил Ангел Џамбаски, претседател на ВМРО.

„Да го развееме бугарското знаме во 11:00 часот на споменикот на Гоце Делчев за да се спротивставиме на антибугаризмот од српските марионети од Скопје.

Нашиот национален интерес мора да биде заштитен, затоа примарната задача на секој вистински Бугарин мора да биде со нас денес во Благоевград. Заедно мораме да го заштитиме сопственото минато, сегашност и иднина!“, додава тој.

ВМРО за денеска најави протест против отворањето на македонскиот културен центар, но според најавите тој нема да се одржи кај клубот „Никола Вапцаров“, туку на друго место во Благоевград.